Pādejuo parteja sasatīk ar bolsuotuojim Viļānu tiergā

   Kasnedelis tiergs Viļānūs beja vysaidu parteju puorstuovu pylns: jī staigova apleik i daleja dažaidu kruosu i tonu balonus i lapenis. Pādejuo parteja izavieleja atkluotuoku komunikacejis parādu: juos kaņdidats Latgolys bolsuošonys apgabalī Aņss Ataols Bierzeņš spieļova iz garmanis i dzīdova, puortraukumūs apsarunojūt ar cylvākim. Viļānīši i apleicejūs pogostu dzeivuotuoji nūvierteja atraktivū prīšknasumu. Daudzeji nu jūs jau zynova ap Pādejū parteju. Golā grybātumem nūcitēt kurys tierga apmaklātuojis vuordus sovai radineicai: „Par itim as bolsuošu! Jīm ir cīši lobs premjerministra kaņdidats!“